今個星期《電影泉攻略》主播 王鎮泉 Jeoffrey 同觀眾介紹新鮮熱辣嘅影壇快訊，唔少觀眾一定記得《盜墓迷城》系列嘅電影，早排傳聞當年嘅主演之一Brendan Fraser將回歸拍攝第四集，而消息好快亦都被官方證實，仲話搵埋頭兩集嘅女主角Rachel Weisz一齊拍。
當年《盜墓迷城》嘅外傳電影《蠍子王》搵嚟摔角界嘅The Rock 狄維莊遜（Dwayne Johnson）爆紅，有傳環球諗住搵佢返嚟再拍新一集嘅《蠍子王》，兼且仲有機會喺《盜墓迷城》客串，消息令影迷相當期待。
新片速遞
《法無赦》：一名警探一覺醒來發現自己被困兼被控殺妻，受審於AI法官，佢要喺90分鐘內自證清白，否則會遭當場處決！到底真相之下又癮藏住幾多秘密呢？
《匿殺》：十五年前，一群身份各異嘅罪惡權貴將都馬市染黑成一座地獄島，高中生曉笛慘遭權貴淩辱致死，十五年後，呢班背後操控者接連慘死。曾目睹十五年前命案嘅方天陽與警官方正楠深入調查，驚覺背後藏著不為人知的罪孽？
《猩瘋血雨》：暑假期間一班老友記打算於泳池瘋狂舉行瘋狂派對，夜深之際當眾人要瞓覺時，屋企嘅黑腥腥突然狂性大發，向佢哋凶猛施襲，眾人只好躲在泳池向外求救。
《用武之地》：三位到郊區機站維修嘅工作人員，突然遇上當地局勢變化，三人一路躲避恐怖組織嘅無差別攻擊，最後還是被綁架淪為人質，面對恐怖分子聞所未聞嘅屠殺暴行同以命換錢嘅勒索，展開咗一場驚心動魄嘅自救逃生。
第五集《復仇者聯盟》裏面嘅細節絕對係Marvel影迷最關注嘅事，而喺早排陸續公布嘅Trailer裏面透露咗好多玄機，包括美國隊長Chris evans會回歸啦、雷神Chris Hemsworth會同佢嘅養女Love一齊現身、仲有最震撼嘅X-Men等都會回歸。
最近飾演綠巨人Hulk嘅Mark Ruffalo接受訪問時斬釘截鐵話，Hulk唔會喺第五集裏面出現，不過美國隊長一年之前夠話唔會回歸，點知又係回歸，所以我哋即管睇吓會唔會有更多消息流出。
今個星期香港票房龍虎榜，截至1月23號中午，第一位《尋秦記》，第二位《阿凡達3》，第三位《28年後：人骨聖殿》。
