熱愛品酒嘅韓國男神 孔劉 ，早前迷上飲威士忌，品酒同時佢仲對威士忌嘅歷史相當感興奮，早年更與友人飛到札幌開始威士忌之旅，可見孔劉對威士忌有幾着迷。
近日孔劉受邀到巴黎睇某時裝品牌嘅秋冬男裝騷，呢次法國之行，孔劉除咗睇騷外，仲把握時間去咗當地一間酒館品嚐威士忌。相中所見，孔劉選酒時挑選得相當認真，拎住本menu去到酒架前仔細對比，最終佢應該揀咗四款唔同地方嘅威士忌嚟同友人品嚐。
而孔劉另一個post亦同酒有關，佢除咗PO出喺當地品嚐嘅美食外，當然唔少得美酒。其中一張相，孔劉收到友人所贈送嘅威士忌時，笑得相當開心，相信呢份禮物送到佢心坎裡。
