謝安琪與張繼聰嘅演藝細胞，毫無疑問地遺傳咗俾一對仔女，大仔張瞻熱愛音樂，而囡囡kakaball雖然年紀小，經已不時四出參與跳舞比賽。阿聰同阿Kay只要時間許可，都現身會場支持。
阿Kay日前同老公及大仔一齊去撐囡囡場，kakaball今次參加國際舞蹈賽香港站。阿Kay話自己好沉迷睇法國嘅Les Twins跳舞，而對方就係成就於呢個比賽。佢又話知道囡囡同一班隊友抽好多時間同心機去排舞同排練，kakaball連放假都唔去玩，全力以赴參與每一場排練，同隊友仔一齊準備比賽，而呢份專心一致嘅投入，令佢非常感動。
kakaball同隊友嘅付出及努力係冇白費，佢哋以89.22分奪得junior team嘅亞軍，證明大家付出嘅汗水同堅持係值得，成就出美好賽果。最後阿Kay仲請大家一齊俾啲掌聲同鼓勵，呢班熱愛跳舞表演，又勤力又可愛嘅小朋友。
