阿Bob鋤斷獎成頒獎禮千古名場面 全新正式獎座交予最佳男女主持

早前舉行嘅台慶頒獎禮，各個獎項都先後頒發，而競爭激烈嘅最佳男、女主持獎項當中，最後由《中年好聲音》系列嘅 車婉婉，仲有做媒人做到開節目《女神配對計劃》嘅 林盛斌 獲得，而整晚至Fun嘅，就當然係阿Bob激動到連獎都鋤斷埋嘅一幕喇。

事後TVB已發稿，為一眾擔心阿Bob獎座就咁一分為二嘅悲哀意外派定心丸，指稍後將會向一眾得獎人正式發出訂製獎座。而獲獎時無懸念繼續喊到水煲一樣嘅婉婉，同阿Bob以及一眾幕後同事，就再次慶功，亦由綜藝助理總監鄧煒鵬手上接過正式獎座喇。

阿Bob呢日接過獎座時珍面重之，對同事叫佢再試試鋤吓真．獎座嘅堅硬度嗤之以鼻，之後又同婉婉合照，兩人表情非常滿足又感恩。