全新一輯《J Music》今晚就會同大家見面，早前釋出嘅宣傳片，可見主持陣容全面革新，除咗《聲夢》出身已成為歌手嘅 冼靖峰 潘靜文 同 林智樂 之外，仲加入GM 曾展望 同港姐 莊子璇 仲有 李尹嫣 呢個全新組合，以及由 許文軒 負責嘅歌手專訪同《勁歌金榜》環節。
除咗日前莊子璇率先公開預告片拍攝花絮外，去年參選港姐獲得友誼小姐同最上鏡小姐嘅 李尹嫣 ，就喺社交平台分享拍攝預告片嘅花絮，佢仲提到呢次係首次正式加入節目，好在獲得一眾師兄師姐拍導咁話，佢寫道：
1月24號晚我嘅第一個固定節目就要出街啦！🎤
好開心可以成為新一季Jmusic 嘅主持，大家睇唔睇得出呢個MV係9月底就拍落嘎(㗎)～終於可以公開募(幕)後花絮俾你地睇🙈
記得拍攝嘅時候都有啲唔識應對，但係各位師兄師姐們都好carry到氣氛，令拍攝過程好精彩，just like a party!
《J Music》今晚起逢星期六晚 21:30 翡翠台