九把刀 同 柯震東 呢對萬年拍檔合作嘅賀歲片《功夫》舉行試映會，兩位聯同女主角 王淨 以及 朱軒洋 齊齊出席宣傳。今年已經34歲嘅柯震東再度飾演中學生，不過佢就完全唔覺尷尬，佢仲話要同後生過自己嘅男演員say sorry，因為「在高中生這條賽道上，我是不會退讓的！」
柯震東戲中有一場全裸戲，仲有自慰動作，對已經唔係第一次露pat pat兼DIY嘅柯震東嚟講就冇乜難度，佢唯一擔心嘅就係對手王淨會尷尬。仲由於呢場係煞科戲，柯震東情緒比較激動，王淨話自己一方面想安慰佢，一方面又唔知隻眼應該望邊度，確實有啲尷尬。
柯震東早前因為打波整親隻腳，十字韌帶撕裂，但因為工作密密麻麻，所以暫時未有時間開刀，預計最快都要下半年先有時間。
