曾比特 嘅戶外音樂會圓滿落幕，仲得到同公司嘅 許靖韻 樂隊 Daze in White 亦現身撐場。阿Mike唔只唱出佢加入新公司後第一首推出嘅單曲，喺唱到最後一首歌《天空沒有極限》時都感觸落淚。
呢個Live亦係阿Mike出道以嚟第一次喺香港開音樂會，而家完成心願都令佢好開心同感觸。佢解釋會喊係被歌詞所觸動，因為「你要相信自己」亦係佢嘅座右銘，所以知道要開Live時，佢第一時間就揀要唱呢首歌。轉投新公司後，阿Mike目標希望2個月出一首歌，如果理想嘅話，希望可以一個月出一首歌。
阿Mike同Angela嘅合唱推高全場氣氛，但喺開Show前，Angela就因為冇戴隱形眼鏡而認唔同未化妝嘅阿Mike，令阿Mike都忍唔住問反Angela：「我化妝同唔化妝個樣差咁遠？」