何超蓮竇驍夫妻檔現身力證情不變 孫儷懷念童年鞭炮慶祝新年

何超蓮 竇驍 夫妻檔現身上海一個品牌活動，二人婚後雖然多次傳出感情生變，不過喺活動上佢哋表現恩愛，睇嚟未被影響。超蓮最近憑初次主演嘅電影得到澳門國際電影節金蓮花最佳新人獎，佢好感恩得到評審肯定。超蓮更期待同老公喺活動新春布置打卡，竇驍仲話呢個係佢2026年第一個公開活動，佢亦同大家拜早年啊！ 

同場嘅仲有孫儷、楊紫，孫儷主演嘅新劇日前終於煞科，但熱愛工作嘅佢已經睇緊新劇本，佢都好享受可以演繹唔同角色。距離過年唔到一個月，孫儷就話兒時最愛就係放炮仗慶祝新年，亦安排好喺過年會同親朋好友聚會。