吳業坤 馮熙燮 聯同玄學家 麥玲玲 出席商場活動，坤哥同Ryan輪流獻唱，氣氛熱鬧。眨下眼即將到農歴新年，玲玲姐就話自己好注重年花布置，仲向坤哥同Ryan教路，傳授新年行運秘訣。
玲玲姐話，坤哥應該要喺屋企擺五代同堂果、大柑大桔，可以旺添丁。但坤哥就話唔急生仔，想繼續打拼事業。玲玲姐就話要名氣就可以擺富貴竹，達至名利雙收。Ryan雖然犯太歲，不過因為係藝人，所以都唔洗驚，反而有更多工作機會。
坤哥、Ryan喺蛇年嘅事業運大好，坤哥就期望可以將巡演搞得更旺，佢仲得到玲玲姐讚賞，唱歌唱得越嚟越好。至於Ryan就期望可以有更多演唱機會同大家見面，因為佢真係好鍾意唱歌，好珍惜每個舞台。
