武打影星 梁小龍 14號因心臟衰竭搶救無效離世，終年77歲。家人今於深圳龍崗舉行追悼會，與其屬結拜兄弟嘅 陳惠敏 、白彪、黃子揚、林威、黃夏蕙等都有現身送別最後一程。
據現場片段可見 梁小龍 豎起大拇指；面帶笑容嘅遺照置於靈堂，靈前放滿致祭人士致意嘅鮮花。據指現場安排兩個靈堂，一個供親友參與儀式，另一個就予公眾人士弔唁。
梁小龍 年前參演周星馳嘅《功夫》「火雲邪神」而再令人關注，星爺亦有送上花牌致意。其實佢早年已加入影壇司職武行，年紀輕輕已擔任武指，仲與李小龍、成龍、狄龍並稱「四小龍」，後來演出紅遍華人社會嘅「陳真」而為人熟悉。
