由 TVB Plus 製作、myTV SUPER 出品嘅A.I.生成愛情微短劇《被出軌的人》，上星期正式推出後即成為熱話，新作以婚姻背叛同人性幽暗為主題，每集僅2分鐘節奏明快。《被出軌的人》由已開通社交平台嘅A.I.演員 鄭卓丹 蘇莉 同 譚尹婷 主演，一上架更即時成為 myTV SUPER觀看排行榜第三位。
《被出軌的人》講述設計師Nicole欲挽救婚姻，但就揭發丈夫George與同事Emily發展婚外情，離婚展開新生活嘅Nicole，獲悉真相卻發現驚人反轉。其實自去年底預告片公佈後，已引發唔少討論，已上架首6集更可謂挑戰香港電視史上尺度極限，團隊大膽運用A.I.技術呈現人性慾望，視覺效果極具衝擊力，成功吸引大批觀眾追睇。
myTV SUPER於社交平台公開多位藝人試睇嘅反應， 麥美恩 一睇預告就驚呼：「鹹片可以喺電視播？！」而 吳若希 就代入感極強，直言若遭遇女主角嘅境況，希望身邊人告之實情，仲笑言最好提供證據方便爭取撫養權。Jinny隨後仲緊貼劇情，於網上請教風水師傅唐碧霞 「小三相」特徵，引發討論。Mayanne同Jinny仲留意到A.I.女演員身穿比堅尼時， 連腰間微小「贅肉」都完美還原，大讚製作團隊極其注重細節，令畫面真實感倍增。
而森美觀看時更尷尬面紅兼全程「哇哇聲」，笑稱畫面太吸睛搞到忽略劇情；而 郭偉亮（Eric Kwok）就對 A.I.技術感到不可思議，不斷質疑係咪A.I.製作，仲意猶未盡要求「加碼」繼續睇。
至於PlanV嘅年輕成員就表現尷尬，頻頻詢問「真係出得街？」、「真係OK？」，但隨即就被劇情吸引，侯雋熙(Duncan)仲急不及問工作人員員索取觀看連結。
myTV SUPER 致力為用戶提供多元化的觀賞體驗，搜羅及製作不同節目，用戶可以隨時 點播重溫。
A.I.微短劇《被出軌的人》逢星期一晚 9:30，星期二晚 9:35 TVB Plus