新劇《非常檢控觀》播出一周，案件同感情線發展外界都反應不俗，呢日一眾演員再齊齊出席宣傳，其中 賴慰玲 就自肥先後向 吳偉豪 同 鄭子誠 壁咚，不過兩位男士就似乎緊張多過享受喇。
而Ricco同 游嘉欣 嘅「床戲」預告呢日亦於是現場公開，但係兩人就怕怕醜醜，仲話大庭廣眾播放搞到非常尷尬咁話。而拍攝時就反而相對輕鬆，因為要遷就角度又要演戲，所以未有太過面紅心跳。
觀眾指出《非》劇有如現代版《包青天》，仲用過往角色作出對比，Winki同 馬德鍾 陳煒 亦都有回應，阿賴仲話要留鬚重現公孫先生形象，而馬神就話可以考慮拍古裝外傳開心吓呀。至於佢被指同《孤獨的美食家》嘅主演 松重豐 相似，煒哥就指馬神靚仔得多，Winki就話大家都同樣充滿孤獨感喇。
關嘉敏 喺劇中同 林俊其 演一對，不過 羅毓儀 亦同劇演出，呢個新組合就令Yuki有少少醋火湧現，Kris要餵Carman食棉花糖仲要即時公開解釋先過關呀。
《非常檢控觀》逢星期一至五 20:30 翡翠台