馮允謙 呢日同 陳柏宇 林奕匡 林德信 等一齊出席馬場活動，身為形象大使嘅Jay雖然剛剛完完成戶外演唱會，不過呢日依舊充滿活力，為現場賓客演唱多首歌曲。即將有兩周假期嘅Jay，會返加拿大休息同爭取時間見未婚妻，仲話會開懷狂食，而再獲男歌手獎嘅佢，仲打定底話今年繼續會忙個不停，好事近呢個話題可能要繼續等多陣喇。
Jay又指有討論過未婚妻返港生活嘅可能，不過最後發覺太多事考慮，所以唯有再等一等咁話。至於已經成婚仲先後升任人父嘅Jason、Alex同Phil，聚埋就梗係分享湊B生活喇，Alex仲爆爸爸 林子祥 同 葉蒨文 每個星期都會幫忙湊孫，仲Sweet到不得了，BB仲唔捨得佢哋坎呀。
Jason呢日仲提到，已經開始諗定點樣對付囡囡未來嘅另一半，認為要有威嚴令人有下馬威，Phil就指囝囝一日大力過一日，自己體能都要跟上先應付到喇。
