林志玲相隔八年再拍劇 絕美民國造型曝光驚艷網民

台灣第一名模 林志玲 早前先突發以啦啦隊身份現身當地籃球賽開球演出，而近日佢更相隔8年破例重返戲劇圈，為 楊紫 主演嘅民國劇《玉蘭花開君再來》客串，呢次亦係志玲自2018年電影《祖宗十九代》再次演戲，雖然只係客串，但仍然令網友期待表現。 

雖然志玲喺劇集嘅角色未正式曝光，但佢嘅角色造型已被粉絲影到於網上公開，志玲身穿紫色繡花服裝嘅造型貴氣優雅，喺冇濾鏡同修圖嘅狀態下，絕對唔似已經年過50。有指佢所演嘅角色係同楊紫飾演嘅主角董竹君有交集。網友亦透露志玲喺劇組表現相當敬業，仲大方請全部工作人員飲嘢，展現親切的一面。