草蜢 即將舉行入行40周年演唱會，三子日前合體拍攝宣傳片及海報，一身閃爆嘅打扮真係好襯佢地嘅愛美主意。 蔡一智 預告開騷時嘅歌衫會更華麗閃亮，而為咗用最好狀態影宣傳物料， 蔡一傑 喺拍攝前一晚仲特登敷面膜。
講到拍攝難度，阿智就話最難係三子分開拍，基本上唔知對方動作，要幻想大家會做咩動作。打頭陣嘅傑仔都話自己拍嘅時候都要放大想像，諗下自己做嘅動作會唔會擋住兩位拍檔。
草蜢喺呢40年嚟帶俾歌迷無數咁多好聽嘅作品，所以一講到演唱會歌單，三子都覺得好頭痛。蘇志威呼籲粉絲們有想聽嘅歌就喺佢地嘅社交平台留言，阿智就話覺得呢次可能係最簡單，因為大家只要留言同佢地講，大家想聽嘅歌一定會聽到。
三子呢次喺合體拍海報，都令佢地諗返起幾年前疫情時開騷嘅情境。蘇老闆就話，好多事都好無常，大家都唔知下次開騷係幾時，阿智就呼籲歌迷們，今次可以放飛自我欣賞演出，希望可以睇到大家嘅笑臉。