譚耀文 嘅廣州站個唱日前圓滿落幕，呢次阿譚將演唱會移師內地同歌迷見面，唔只係音樂旅程上嘅里程碑，更係同內地樂迷嘅深情擁抱，佢認為係一場融合經典、溫情及傳承嘅聚會。
今次廣州站演出繼續全場爆滿，阿譚以搖滾版嘅《為你解悶》揭開全晚序幕，瞬間捕捉全場觀眾目光，及後阿譚一口氣唱跳十多分鐘80年代嘅經典金曲向樂壇巨星致敬，將演唱會氣氛推至高潮。
早前阿譚以導師身份同《聲秀》多位學員結緣，今次廣州個唱亦邀請學員 布子殷 參與演出。初踏內地舞台嘅布子獨唱《風的形狀》，之後更同阿譚攜手演繹《春夏秋冬》，兩代歌者聲音交織融合，布子喺台上感謝作為恩師阿譚俾佢好多機會。
演唱會尾聲，阿譚獻唱希望可以入圍香港電影金像獎最佳電影主題曲嘅《拼命三郎》，呢首歌唱出阿譚喺演藝生涯一路走來來嘅堅持同感悟，最後佢以一曲《美麗曾經》為廣州站個唱畫上完美句號。
