以往歌手開騷，網上都會有大量演唱會嘅演出切片，而切片中大多以歌手唱歌嘅片段為主，不過 陳嘉樺 Ella 嘅巡迴演唱會就較為特別，佢25號上海站嘅巡唱，出現嘅演唱會切片大多都係佢戴上老花眼鏡讀粉絲信嘅片段，而喺影片網嘅搜尋器上，更出現「陳嘉樺戴老花眼鏡讀信」、「陳嘉樺戴的老花眼鏡」、「ella陳嘉樺同款老花眼鏡」等搜尋字眼。
片中Ella戴上老花眼鏡，打算讀出粉絲嘅信時聽到台下傳出笑聲，Ella即表示：「怎麼聽到有笑聲啊？我跟你們講，不要笑我，到你們39的時候就漸漸有感覺，那個東西叫做斷崖式的降落，就是你的視力真的會瞬間看不到。」唔少網民都相當有同感，留言表示年輕時覺得呢翻說話係誇張，但當年紀到遇上就知道係真嘅。
