至叻試咪嘅 盧海鵬 星期二舉行「收咪演唱會」，唔少老友都到場力撐，唔止三哥 苗僑偉 夫婦 黃日華、連 李麗霞 葉振棠 都有現身騷前嘅拜神儀式，而日前被爆風雨不改接鵬哥去跑步運動嘅 周潤發 都低調現身，仲封利是補祝鵬哥上月生日同演出順利。
鵬哥接受訪問時依舊霸氣，雖然今次叫「收咪」演出，不過就話未會言休，繼續做人，甚至會隨時再開騷喎。而華哥同三哥就話，前輩開口就一定要參與支持，仲回憶當年被開咪鬧爆嘅事，華哥指當時於幾十人前鬧，記足一世呀。三哥就指當時年青又大隻，以身形反震懾住鵬哥，先倖免冇被鬧咋。
