娛樂新聞台前主播 呂靜文 （Bonnie）憑節目《#後生仔傾吓偈》出道，更喺劇集《星空下的仁醫》飾演少女鍾嘉欣。不過Bonnie兩年前低調淡出，更秘密完成人生大事結婚生囡。
Bonnie由去年十月開始陸續分享家庭照，大曬囡囡可愛樣，而好友郭奕芯最近亦喺社交平台分享聚會合照，表示：「眨眨眼，我的閨蜜已經多了一個小不點，希望善良的你一直幸福快樂下去。」從相中可見，Bonnie嘅囡囡越大越似媽媽，眼仔大大仲有一張可愛圓臉，Bonnie面型亦變得圓潤，充滿幸福影子。
Bonnie留言回覆好友：「掛住以前成日同你夜夜笙歌嘅日子」，似乎係生B後生活更忙碌，而懷念做媽咪時嘅自由時光。
