詹天文海南度假嘆盡美食 打卡影靚相被封「Pose王」

詹天文（Windy）早前喺《萬千星輝頒獎典禮2025》勇奪「最佳電視歌曲」獎後，曾分享佢嘅寒假計劃就係同公司請假，去海南島度過一個享受陽光與海灘嘅假期。 Windy近日就喺社交平台分享喺海南旅遊嘅好風光，仲喺配文話：「不應該帶厚衣服的！拍了好多照片，吃了好多好吃的，充滿電啦！」

而喺呢趟旅程之中，Windy貫徹「增肥之旅」的宗旨食盡美食，又影咗唔少靚相。Windy其中一套露腰短毛衣造型充滿青春活力，十足十拍廣告相咁，唔少粉絲都話要跟Windy嘅Pose影相，大讚佢係「Pose王」！