姚焯菲返美重投校園生活 相約好友夜遊拍街頭雪景

姚焯菲去年8月底就首次踏足美國，正式展開大學生活，入讀紐約大學修讀Music Business課程。Chantel不時會分享自己喺美國嘅生活點滴，上月返港過聖誕嘅佢，日前就重返美國繼續學業，並喺社交平台寫上「I miss u all」以表好掛住粉絲「小菲象」同親朋好友。

Chantel暫時放下演藝圈五光十色嘅工作環境，回歸校園生活，Chantel趁住課餘時間，相約好友一齊夜遊紐約街頭，仲拍攝街頭雪景留念，又去到中央公園玩雪橇，完全享受冰天雪地嘅樂趣。