丁子朗、吳若希及戴祖儀日前出發澳洲拍攝TVB新綜藝節目《他們的澳洲駕期》，由丁子朗揸車載吳若希及戴祖儀拍攝節目，三人不時分享工作點滴！
戴祖儀第一次去澳洲就喺社交平台曬出吳若希「操刀」拍攝嘅靚相，見戴祖儀穿bra top及短褲仔於酒店露台房留影，於夕陽照射下顯得格外性感；而吳若希喺社交平台貼出多張相，見吳若希與丁子朗輪流玩雀，並留言：「愛，係要留下印記的～～～」原來吳若希投入工作，唔小心整傷咗，見佢玉手留下一條傷痕。
吳若希又喺社交平台貼出一條影片，見佢同戴祖儀一齊身穿劇服等埋位，吳若希搞笑問戴祖儀係咪冇沖涼，點解仲著住前日著過嘅衫，搞到戴祖儀忍唔住爆笑，反問吳若希點解都係著舊衫，仲話自己去澳洲兩日，笑到腹肌好痛，可見佢哋拍攝時笑料不斷。
