向海嵐、李佳、支嚳儀、占士丁丁、張彥博同谷婭溦出席胡曦文新店開張活動，向海嵐早前參加咗TVB全新互動音樂遊戲節目《唱錢》，事前因為要保持神秘感，所以冇同朋友講自己參加。
myTV SUPER《唱錢》挑戰音域拍子
點知朋友們同向海嵐講TVB推出呢個節目，大家表示有意想參加時，向海嵐先透露自己已玩咗。佢覺得《唱錢》迴響好好，加上節目構思新穎，自己亦想接受挑戰，佢仲話事前特別上歌唱課堂，務求最佳表現出戰。
溦溦見證住表姐落手落腳打造新店，胡曦文都話由產品設計到店內擺設，全部都係自己嘅心血，過去幾個月用虛脫來形容自己。溦溦話表姐係女強人，為咗自家品牌完全係唔需要休息。
