梁釗峰 29號晚於社交平台透露自己入院接受半月板手術嘅消息，佢上載多段自己喺醫院嘅短片，當中有佢着住醫院病人衫，喺病房行catwalk嘅片段，又有佢完成手術後，由醫護人院傍住，用拐杖同助行架行路及上樓梯嘅片段。
釗峰於帖文中寫道：「最後一刻推床入手術室先識驚已經賺咗。（手）術前要影OOTD，
因為下次咁靈活行路應該要幾個月後...」自認驚打針嘅釗峰，喺帖文中讚自己好叻仔，因為佢喺打針前同護士講咗句「我釗驚打針」，對方即刻用氹小朋友嘅語氣同佢講：「唔痛痛啊吓，一下涼涼哋咋 (真實對白)」釗峰話聽到對方咁講即時紅都面曬，仲話「原來人係會氹到唔驚打針😳」
由於今次手術釗峰要接受全身麻醉，不過佢就話自己麻醉過後，醒返嘅時間比預期中精神，釗峰坦言手術後嘅心情係複雜嘅，佢指平時越野跑見到樓梯時會雙眼放光，好信自己雙瞓可以跑上跑下，但係手術後就好似被撳咗個reset掣咁，唔住無得跑，仲要重新學過行路。不過釗峰話自己會乖乖地用拐杖：「因為我知道，我嘅半月板係唔會俾機會我整親第二次，之後要長跑長有的話，呢個reset掣要好好珍惜🫶」。
