胡定欣去年10月初同圈外醫生男友喺新西蘭低調完婚，呢日佢現身一個活動時大方分享被求婚過程。定欣表示，被求婚係發生喺滑雪休息嘅時候，另一半用雪固定住相機同腳架，喺二人想影相時就掏出戒指求婚。
呢一刻令定欣好驚喜同感動，因為雪地對佢哋有好大意義，認識初時都係滑雪，所以喺雪地求婚真係令定欣好開心，事後亦會回想老公喺幾時開始準備呢一切。
農曆新年將至，定欣笑言自己已逗咗好多年利是，所以佢好期待今年派出雙封利是，仲已經揀好印有「陳氏」嘅利是封。至於造人計劃，定欣就話自己遲婚，所以長輩唔會特別催，只會送出祝福，表示生B一切順其自然。
近期蘇志威忙於籌備草蜢嘅40周年紅館Show，仲預告會推出一張有40首新歌嘅大碟慶祝，但由需一切製作需時，可能2027年先會面世。
