黃庭鋒呢日現身一個品牌活動，講到大受歡迎嘅戀愛綜藝節目《女神配對計劃》一直被期待拍攝第二季，唔少人想庭鋒做第二季嘅男嘉賓。不過庭鋒就話節目雖然好有趣，不過同愛情有關，佢就抱隨緣態度。
myTV SUPER《女神配對計劃》勇敢求愛
庭鋒大讚公司嘅女藝員談吐同學歷好高質素，但自己真係冇一個想追求嘅對象，要合作完後了解喺價值觀同興趣係咪一致，先會諗係咪真係展開追求。
百足咁多爪嘅庭鋒做得主持又演得戲，最近仲開始學埋唱歌添。庭鋒仲話有次去商演時，同焦浩軒遇到，二人唱完後更交換歌單。新年將至，講到對新一年嘅工作計劃，庭鋒就話好希望新一年有更多機會可以拍劇。
