台灣男團棒棒堂成員小煜呢日同唐從聖等現身音樂劇記招，呢次更係小煜宣佈離婚後首公開露面。小煜分享回復單身後專心湊仔，生活過得忙碌充實，特別係見到小朋友終於明白自己教佢哋嘅嘢嗰陣，就覺得特別感動。
小煜雖然兼顧工作同湊仔，但佢樂在其中，仲試過帶埋囝囝去音樂劇嘅綵排。但係小煜就話囝囝實在太好動，仲會鍾意同女仔玩，經常會黐住劇組嘅女演員。
小煜隊友王子因去年十月被范姜彥豐爆料，指王子與其老婆粿粿發生不倫戀，王子全面停工，日前王子被影到現身所屬公司嘅尾牙活動，再被范姜大鬧「不要臉」，小煜被問此事，覺得好無奈，仲叫大家當王子已經消失，自己唔方便代為回應。至於棒棒堂係咪再冇合體機會，小煜就話自己對團體感情好深，如果粉絲需要，或者團員有想做嘅事，佢願意撐到底。
