千雪應邀訪懲教所分享經歷 多重身份回憶當年初入行到訪拍劇

近年成為「Law霸女神」嘅 朱千雪 ，唔止係大律師，更已為人母，身兼數職嘅佢除咗要處理法律案件、又係大學講師、照顧小朋友之外仲不時出席唔同公開活動，形容佢係Super Mum絕不為過呀。

早前先一家返加拿大探親嘅千雪，近日就應懲教署邀請，為羅湖懲教所嘅女在囚人士分享喇，佢仲提到2014年曾到訪拍攝劇集《再戰明天》嘅回憶，千雪寫道：2014年的「再戰明天」是我入行第二部劇🎬。當年公司跟懲教署合作，因此有機會在監獄裏拍攝，了解各部門的工作🚨。隨後亦用不同身份再到監獄工作，讓我親身感受到在囚人士面對的擔憂和困難🥺。今次非常榮幸得到「羅湖懲教所」的邀請，跟「立德學院」的學員作分享 🎤。感激她們讓我分享我的故事，亦讓我感受到她們的好學和積極面對困境的態度🙏。人生總有高低，但每一個經歷都有可能是帶領我們走到下一步的基礎 💜。

劇集當年分別於赤柱監獄同羅湖懲教所拍攝攝，講述懲教人員與在囚人士日常，當年演出陣容更可謂大堆頭。

myTV SUPER重溫《再戰明天》

千雪於劇中扮演一名更生事務組嘅懲教主任，同 黃德斌 有唔少對手戲，而劇中仲有 吳啟華 、已轉型從商嘅 徐子珊 、 何超儀 、王浩信 等人參演，而當時一齊演出嘅 楊立樺 同 沈可欣 更因為呢次合作而撻著，隔年就共諧連理，轉眼仲已經有兩個小朋友喇。