張鈞甯 同馬來西亞導演男友 柯汶利 難得同框，喺台灣宣傳二人合作嘅新戲《匿殺》，雖然兩人已經大方認愛，但對於公開放閃似乎仲有啲避忌，無論影相或者訪問，中間都隔住另一位演員侯詠薰。
鈞甯今次喺戲中化身打女，動作戲連場，仲要一個打十個，而且導演要求一鏡到尾，所以每個動作都唔可以馬虎。鈞甯亦為此特別狂操，一日練七個鐘，柯導呢個男朋友真係唔識咩叫憐香惜玉喇。
情侶合作雖然默契好，但都擔心會有爭拗，鈞甯同柯導似乎冇呢方面嘅問題，兩人合作無間，連意見不合都未試過。原因好簡單，因為鈞甯話自己只不過係演員身份，會完全服從導演：「我不聽導演的要聽誰的，我還要不要在這個圈子混呀！」
