馬年將至，TVB 同 成都市廣播電視台 首次聯合製作賀歲特備節目《馬到功成萬象新 2026 蓉港新春晚會》，兩地近百位藝人歌手攜手合作，亦互派製作團隊同藝人於兩地取景拍攝，直擊兩地市民迎接新年嘅喜慶盛況。
經過多月籌備同拍攝，節目最後一日拍攝新春花車遊外景，更特別於電視廣播城舉行煞科儀式，邀請一眾藝人分享拍攝感受，張馳豪、冼靖峰更暢談成都之旅，又親自將成都方面送出嘅禮物—人見人愛嘅「熊貓玩偶」同甜蜜多汁嘅水果「蒲江 耙耙柑」同大家一齊分享。
最後一眾藝人同主持參與爆破鞭炮氣球儀式，寓意節目順利完成拍攝，場面熱鬧。出席藝人包括劉佩玥、郭柏妍、張馳豪、冼靖峰、詹天文、潘靜文、 文佐匡、梁敏巧、曾展望、葉蒨文、林俊其、羅毓儀、邢慧敏、梁超怡、馮熙夑、柯雨霏、 胡子貝，以及活動司儀陳庭欣。
蓉港新春晚會節目中推介香港同成都嘅「潮玩意」、「潮夜遊」及「潮味道」，藉住音樂、唱歌、舞蹈同武術等， 促進兩地特色文化交流，實現跨地域、蓉港共融嘅春節盛會，與觀眾共迎新春。
《馬到功成萬象新2026蓉港新春晚會》年廿八晚就會喺翡翠台同大家見面，而成都市廣播電視台五個頻道（CDTV-1，CDTV-2，CDTV-3，CDTV-4，CDTV-5）亦會於當日播出；世界各地觀眾仲可以透過唔同渠道收睇，香港同內地新媒體用戶可透過 myTV SUPER、埋堆堆 App、粵視廳TV、成都台官方App「看度新聞」以及頭部平台春晚專區：愛奇藝、優酷、騰訊、嗶哩嗶哩等平台收睇。
節目更會轉播至新加坡、馬來西亞、美國同加拿大，身處外地嘅觀眾就可透過 TVB Anywhere 或 TVB Anywhere+ 流動應用程式、北美觀眾透過 TVB Anywhere North America流動應用程式欣賞。
節目主持包括汪明荃、陳貝兒、張馳豪同成都代表袁莉、郭怡飛。呢次蓉港春晚匯聚兩地近百位藝人同歌手傾力演出，陣容鼎盛。香港藝人包括：陳豪、黎耀祥、黎諾懿、 陳展鵬、林夏薇、蕭正楠、劉佩玥、薛家燕、謝雪心、張振朗、劉穎鏇、唐文龍、胡鴻鈞、 陳自瑤、何廣沛、吳若希、何依婷、羅天宇、丁子朗、劉丹、羅樂林、單立文、歐瑞偉、 滕麗名、湯盈盈、呂慧儀、周嘉洛、樊亦敏、李偉健、林凱恩、古佩玲、焦浩軒、許家傑、 冼靖峰、鍾柔美、詹天文、文佐匡、潘靜文、何晉樂、曾展望、葉蒨文、林俊其、羅毓儀、 梁敏巧、郭柏妍、阮浩棕、馮熙燮、柯雨霏、胡子貝、邢慧敏、梁超怡、謝曉瑩、莫宛螢。 
而成都藝人則有：王江元、何佳鑫、何邊邊（孫子團）、石嘉佳、黃閔然、席浩銘、黃仁俊、鐘辰樂、高久尚、張榮昊、趙亮、劉飛、王安冉、王嬋、楊乾鑫、杜成婧、關鵬、 劉彬意、林鐸、于浩、楊意、陳璞、陳輕語、林銳、王嘉雯、袁宇、劉子涵、成都市文化藝術學校（成都會實驗藝術團）、李雨、四川運動職業學院、GNZ48、CKG48、CGT48、羅明陽、唐蜜、溫鏡涵、楊雪、鄧菲、趙超、張書浩。