金曲歌王 趙傳 日前舉行世界巡迴個唱台北站記者會，宣布5月將會開騷，更演唱經典金曲《我是一隻小小鳥》。台北站個唱作為世巡最終站，趙傳當然準備唔少驚喜俾大家，佢更透露想邀請 潘越雲 做嘉賓，因為當年做新人時就係有對方帶住走南闖北打響名堂，所以呢次好希望可以同佢合作。
趙傳同前妻離婚16年，二人育有嘅3位小朋友已經成年。不過趙傳就話，仔女一直都好想佢同前妻復合，只係佢覺得破鏡難重圓，所以已經返唔到去舊時。
趙傳一年多前膝蓋受傷，加上單身多年，所以大家都好關心係邊個照顧佢，同埋有冇搵第二春嘅心思。趙傳就話自己有請鐘點阿姨幫手打理生活，但主要係自己照顧自己，對於第二春呢個問題，佢認為男性要識同性朋友都已經難，更識異性更難， 一切要講緣分。