汪明荃與女小販玉姐多年建立深厚情誼 暖心舉動獲讚人美心善

「阿姐」汪明荃對工作認真充滿熱誠，私底下亦係重情重義之人，近日有網民喺銅鑼灣街頭偶遇阿姐，走去女小販「玉姐」身旁，送玉姐一盒賀年蘿蔔糕禮盒，唔少網民讚阿姐人美心善、人情味滿分！

片中見阿姐穿過人群，走向街邊擺檔嘅玉姐，當玉姐回頭望見到阿姐時，玉姐露出驚喜表情，阿姐親切講：「我嚟拎蘿蔔糕畀你呀！」阿姐暖心舉動，讓玉姐喜出望外。該網民透露阿姐一直光顧玉姐攤檔買絲襪，二人多年嚟建立深厚情誼，阿姐逢年過節都會親自探望呢位老朋友，而當日阿姐喺銅鑼灣出席一個宣傳活動後，阿姐路過白沙道，不忘特地去探望玉姐。