陳凱琳Grace 現身活動分享投資理財之道，身為三孩之母嘅佢雖然負擔好大，但再辛苦都好，Grace都想小朋友有個快樂人生，坦言喺活動上學到唔少為小朋友未雨綢繆嘅部署，最重要係理解一個財富傳承計劃，不僅係幫小朋友儲蓄讓未來更多選擇，仲會關乎佢哋未來結婚及買樓嘅安排都有所包含。
除咗靠呢類計劃幫手之外，Grace平日亦都會培養小朋友學儲錢，透露日前小朋友喺學校學摺紙銀包，返嚟就話得銀包冇錢咁點算，於是Grace同老公鄭嘉穎就會會叫小朋友幫手做吓家務、揼骨儲零用錢，用身教培養小朋友學識儲蓄。
Grace同嘉穎嘅大仔鄭承悅入讀傳統小學後，父母同小朋友同樣多咗份壓力，嘉穎更大呻阿仔好辛苦，不過夫妻就有共識唔係要兒子求分數，只係想阿仔中文進步，對於學語言方面，鬼妹仔Grace都身同感受，並大力鼓勵兒子。
