「中聲1」唱將 涂家堯 推出首支新歌《消散的溫度》兼舉行MV首播會，家堯話心情既興奮又緊張。至於點解收咗Demo年幾先出歌，佢就話因為自己收到嘅歌詞版本唔夠好，加上又未肯定歌曲主題。直至身邊有位朋友因為抑鬱症而離開，令佢突然想寫有關情緒病嘅內容，希望透過歌曲引起大家多啲關心情緒病人。
家堯早前將社交平台黑屏，目的係想引起大家關注情緒病問題，佢話好多情緒病患者唔會喺社交平台透露自己有病，當大家發現時，可能病者已經傷害咗自己或者他人。佢亦為黑屏嘅舉動令唔少朋友擔心而講聲唔好意思。新歌MV去到高雄取景，故事內容以寫實手法拍攝，家堯話想帶出情緒病人嘅真實感受畀大家知道。
