吳業坤 早前以「試玩專員」挑戰TVB全新互動音樂遊戲節目《唱錢》， 更一鼓作氣挑戰終極難關。勇氣可嘉嘅坤哥，日前就飛到加拿大多倫多登台，行程中佢繼續展示自己嘅勇氣，適逢當地經歷近十年未見嘅大風雪，氣溫急降至零下16度。坤哥決定趁機外出感受咩叫真正嘅凍，佢仲喺片中標明「多倫多凍到縮埋之旅」。
坤哥自拍嘅影片，見到佢身處尼亞加拉大瀑布一帶，四周全部覆蓋厚厚嘅白雪，連平時澎湃嘅流水都結晒冰，怪不得做足心理準備嘅坤哥都話凍到縮埋。
雖然多倫多天氣咁凍，但無損歌迷嘅熱情同坤哥喺台上嘅熱血，演唱會全場爆滿，坤哥除咗送上多位經典歌曲，仲一展自己空手道抱Crossover西裝褸嘅造型，見到台下觀眾熱烈嘅反應，坤哥更數度落台獻唱，大騷自己親民貼地一面。
