張柏芝近年喺內地綜藝節目表現亮眼，令佢人氣有增無減，而佢同前夫謝霆鋒所生嘅兩個囝囝謝振軒 (Lucas)、謝振南(Quintus)上年因為睇爸爸嘅個唱而曝光靚仔樣，成為焦點。
近日就有人喺澳洲偶遇柏芝同囝囝喺澳洲出現，疑似係陪Lucas準備開學，又有人喺家具店巧遇柏芝同Lucas，大讚母子間溫馨舉動，Lucas比媽媽高出一個頭，舉手投足都同後生嘅霆鋒好似，柏芝睇落狀態都好好，同囝囝屬於超高顏值母子。
其實柏芝已經唔係第一次被讚駐顏有顏、保養得宜，日前有網民喺網上分享偶遇柏芝嘅生圖，以「香港機場偶遇張栢芝」為標題，發文寫道：「皮膚超好，狀態好似20歲少女！好鍾意睇佢嘅電影，快啲復出拍戲啦！」激讚張柏芝真實狀態。雖然圖中柏芝戴上太陽眼鏡同口罩，但打扮低調又時尚，相當後生，完全唔似已經做咗媽媽。該網民仲大讚柏芝好Nice，會佢會主動打招呼同點頭微笑。