90年代TVB男藝人郭耀明雖然喺2007年拍完《通天幹探》之後淡出娛圈，不過因為佢俊朗外表以及喺處境劇《真情》飾演歸亞南一角深入民心，即使劇集播完已經廿幾年，大家都仍然記得呢個角色。
郭耀明淡出後生活低調，只有喺社交平台分享過健身相騷身材，唔少人都好奇佢嘅蹤跡去向。近日就有網民分享一段郭耀明祝朋友生日快樂嘅片段，雖然佢已經年過60，不過靚仔樣不變，一頭白髮兼留鬚嘅造型反而顯得更有成熟「佬味」，最難得嘅係佢冇發福，仍然好fit，更有網民認為佢顏值依舊可線，甚至可以直接復出呀！
郭耀明神隱多年激罕露面 白髮留鬚造型有另類魅力
