陳煒 同 劉穎鏇Tiffany 現身馬來西亞商場出席活動，一早就有大批粉絲聞風而至，把握機會一睹偶像嘅風采。相隔七年再與大馬嘅粉絲見面，煒哥讚大家依然咁熱情，佢同Tiffany亦喺活動上一展歌喉。
煒哥同Tiffany笑言自己有好大進步空間，亦希望有更多機會演唱，Tiffany仲話今次演出冇想像中咁緊張，可能因為氣氛好好。當二人聽到粉絲讚美，形容佢哋係「被演員事業耽誤嘅歌手」時，佢哋都好開心，仲話要規劃一下事業。
同場仲有一眾大馬TVB嘅歌手，包括 王鄭浚仁、劉傳民、蕭偉倫 獻唱助慶，能夠喺主場唱歌，大家都話心情特別興奮。王鄭就話自己嘅歌迷每次都喺香港飛到大馬，所以佢覺得喺度唱歌特別有意義，亦得到好多力量。
至於 姚子羚 同 朱敏瀚 就現身另一場活動，現場氣氛同樣熱鬧。朱仔話佢同子羚合作嘅時間比起 張振朗 仲要早，佢哋喺最近重播嘅劇集《陪著你走》就已經合作，更笑指對方同而家好唔同。
