2月3號係 楊千嬅 52歲生日，今年千嬅冇高調開party，選擇以低調方式慶祝。6號 劉嘉玲 喺社交平台post出為千嬅慶祝生日嘅合照，大家先發現原來兩位私底下有好交情。
合照中千嬅手捧蛋糕，笑得燦爛，嘉玲姐簡單寫下「Happy Birthday Dear」，另一張合照就有千嬅老公丁子高以及其他朋友，千嬅亦喺現實動態轉發嘉玲姐嘅post。
千嬅生日前夕喺重慶舉行生日限定音樂會，佢嘅團隊動員各國城市嘅粉絲，以全國聯動方式為佢慶生，兼官宣啟動全新嘅巡演計劃。首站將於四月份起跑，地點為成都，後續會有南寧、長沙、廈門、杭州、上海、深圳等多個城市，
