陳小春真名陳泰銓成微博熱話 官仔骨骨出席惠州政協會議

惠州市政協日前舉行第五次會議，當中一位政協委員「陳泰銓」睇上去非常眼熟，冇錯！據惠州政府發布嘅消息，佢就係陳小春，「原來陳小春真名叫陳泰銓」隨即喺微博引起熱烈討論。根據網上資料，1967年出世嘅陳小春，原名陳小臻，2020年改名陳泰銓，而大家熟悉嘅陳小春，其實一直都係藝名。

小春由2014年開始擔任惠州政協，至今已經超過10年，唔好以為小春只係掛名政協，祖籍惠州嘅佢其實好有心做嘢，今次政協會議，佢就提議將音樂節、演唱會同旅遊業結合，吸引更多年輕人到惠州打卡，希望令惠州呢座城市更加年輕化。