內地娛樂圈盛事微博之夜日前喺北京隆重舉行，紅地氈星光熠熠，眾多名人紅星盛裝出席，包括謝霆鋒、吳京、王嘉爾、佘詩曼、葉童、惠英紅、容祖兒、關曉彤、舒淇、李冰冰、李宇春、周深、娜扎、王一博、威尼斯影后辛芷蕾、楊紫、朱亞文、童瑤、景甜、白敬亭、魏大勛、彭昱暢、宋威龍、曾舜希、宋意、黃渤、姚晨，同得到年度微博King嘅肖戰等。而得到年度微博Queen嘅楊冪就同張藝謀導演齊齊踏上紅地氈。
陳妍希同周柯宇因為劇集《狙擊蝴蝶》成為螢幕新CP，相差19歲嘅兩人傳出戲假情真，不過佢哋就無懼緋聞，延續劇中甜蜜大方放閃，仲應媒體要求合體比心心影相，認真sweet。
陳偉霆 同 黃曉明 呢兩位過氣情敵前後腳踏上紅地氈，William著到全身黑，Deep V恤衫下嘅胸肌若隱若現。曉明大哥就揸住個小飛船公仔一齊行，原來係配合宇宙主題，順便祝願中國航天科技越來越進步。
