李幸倪 喺2月7號晚再次踏上紅館舞台，正式為第二次紅館演唱會揭開序幕。身穿閃爆Deep V盔甲戰衣造型現身嘅Gin Lee，先以勁歌熱舞帶動全場氣氛，而谷胸上陣嘅性感風韻，同樣焫㷫全場。
眼見台下支持自己嘅觀眾，Gin Lee感激大家愛戴，又一齊見證佢人生首次四面台嘅演唱會。Gin Lee指演唱會意念及概思係來自「五行」，而序幕部份係屬於「金」，繼而身穿白色舞衣嘅第二部份就係「水」為主題。
佢話自己當初飄洋過海來到香港，由陌生嘅地方變成自己嘅家，見證好多人嘅故事，遇到好多機會，最幸運係收獲台下每一位支持佢嘅朋友，獲全場觀眾報以掌聲和應。
頭場現身支持嘅人包括：Gin Lee父母、霍汶希、陳慧嫻、海兒、何佩瑜、沈震軒及女友陳欣妍，更有不少圈中前輩及好友送上花籃祝賀演出成功。
