2023年9月與圈外男友Calvin結婚；隔年3月更已誕女升任人母嘅 陳嘉慧 ，去年曾短暫復出拍攝旅遊節目，不過期後就宣佈已與老公懷有第二胎而專心安胎，星期日晚更宣佈囝囝已經出世，正式三年抱兩湊夠好字，BB蛇年尾出世趕及新年𢭃利是。
再次做媽咪嘅Erica公開同老公、BB仲有醫生嘅合照，又寫道非常感謝醫護人員細心又體貼嘅照顧同按摩咁話。
佢又另外出Post公開BB半邊靚樣，可見瞓著嘅小朋友輪廓非常可愛，另一張更見到家姐仔同細佬初次見面嘅溫馨畫面。Erica仲寫道話：Welcome to the world💙my little Prince👶🏻 🫶🏻。
