鄭秀文 近日除咗忙住宣傳佢有份參與嘅賀歲片宣傳之外，最近亦參與「無限亮」 活動，同世界排名第3嘅輪椅舞者 余俊延 共舞。長約半分鐘嘅短短共舞場面Sammi一樣力臻完美，自費請舞蹈員練習、排舞老師亦到場支持，Sammi更花兩日時間綵排。
拍攝時Matthew同Sammi精益求精，錄影多次，希望得到最好效果，兩人嘅演繹令人感受到超越肢體限制嘅力量。今次佢哋合作由香港舞蹈團嘅 王志昇 同中國香港輪椅體育舞蹈運動協會嘅 駱天麒 共同編舞，Sammi嘅排舞師Alan亦有協助。
Sammi於社交平台分享呢次拍攝影片嘅感受：「當接到這共舞的邀請，非常感動，因為mi父親也是輪椅人士，雖短短的舞，但特意排了兩天，希望能跳出感覺並誠懇的帶出傷健者nolimits的意義 ，這條輪椅共舞片也送給在天上的父親。」
「最動人的舞，不一定需要完美的動作，而是那份真心、勇氣與信念。與「無限亮」及世界級輪椅舞者Matthew共舞，從他身上我看見一種超越肢體限制的力量。每一個動作，甚或乎一個眼神，都是一種表達，一種連結，一種想像。共融，不只是一個理念，更像一種生活態度，讓我們一起用舞蹈 Nolimitsdance 去傳遞力量與希望。」
