林溥來 呢日出席「時代共融在房協」嘅啟動禮，兼為乙明邨跨代共融遊樂空間主持開幕典禮，呢度有咁好玩嘅遊樂設施，Patrick Sir都特登帶埋太太同囝囝嚟玩，阿仔一見到遊樂場就已經心心眼，仲急不及待衝去玩。
Patrick Sir話做咗爸爸後，特別會留意邊到有好玩嘅地方？佢仲大讚而家嘅遊樂設施越嚟越靚，設計又好創新，所以佢話經常都會帶囝囝去唔同嘅遊樂場放電。Patrick Sir仲話連自己都可以重拾童真，勾起唔少昔日嘅童年回憶，佢仲話而家嘅遊樂場同以前相比，真係有好大變化。
2月15號就係Patrick Sir嘅牛一，咁啱嗰日唔使開工，一家人又可以一齊慶祝。不過佢話自從囝囝出世後，幾乎所有慶祝活動都係陪阿仔去玩，問到Patrick Sir有無打算幫阿仔添返個弟弟或妹妹？Patrick Sir就話要研究吓先喇。
