張智霖 早前先為TVB新劇《璀璨之城》完成拍攝工作，近日就被目擊同太太 袁詠儀 仲有今年即將踏入20歲，越來越高越靚仔嘅乖仔魔童於機場出現，似乎準備出發往外地度新歲。
其實今年亦係Chilam同靚靚結婚25周年，日前靚靚就以多張兩人廿多年相處嘅甜蜜合照，分享銀婚帶來嘅喜樂同珍貴回憶，佢仲寫道：「一屋兩人，三餐四季，二十五年，正是青春的模樣，餘生請你繼續溫柔有趣。」短短數字就道盡多年嘅溫馨甜蜜。
靚靚以兩人多年來嘅生活合照拼湊成影片，再以年前Chilam為佢撰寫嘅一封動人情書化成情歌示愛，呢封情書當年起更以紅遍全網，當年佢寫道：
親愛的 如果愛 真的能在一個節目上簡簡單單地寫封情書 就能把多年的感情一傾如注 那世事都會變得簡單許多許多
親愛的 如果愛 真的能憑三言兩語又或者呼天搶地說我愛你 就能證明痴心一片的話 那這種方式的愛我們都不懂
那我們的愛是什麼…
是日與夜之中 是溫馨與吵架之中 是玩樂與生病之中 是迷失與成功之中 是孕育與逝去之中 愛是生與死之中
所以如果 真要我寫封情書給你的話 我會用一生去寫 而你也請花一世細聽
其實靚靚同Chilam早於1992年就因為拍攝電影《邊城浪子》認識，到94年公開戀人關係，直到2001年於美國結婚，2006年誕下魔童。
