「獎門人」曾志偉自從離任總經理一職後，專心度假享受人生。日前佢就自掏腰包大排筵席，宴請《中年好聲音》嘅台前幕後工作人員同參賽者共聚食年夜飯，氣氛非常熱鬧！
由 支嚳儀 喺社交平台限時動態分享可見，出席飯局嘅有 黎芷珊 周吉佩 黃博 劉洋 李創偉 等，獎門人又熱情向大家敬酒，：「請大家食餐年夜飯啦！」現場有人大叫：「多謝曾生」。
除咗食飯，呢晚仲有抽獎環節，獎門人送出名貴茅台作為禮物，最終由支支抽中。支支仲得到獎門人喺禮盒簽名，令佢非常開心！ 支支撰文話：「多謝曾生請吃中聲食年夜飯！好豐盛呀！也感恩您創造這麼好的節目給我們圓夢！完全改變我們人生的起點！衷心謝謝您和團隊們！今晚我仲幸運地攞到親筆簽名的曾生版茅台！太幸福啦！」
