阿嬌鍾欣潼雖然身材時肥時瘦，不過靚樣一直無受影響，更有「女媧畢設(意指：長相精緻、完美無瑕)」美譽。 修身成功嘅阿嬌最近去咗埃及旅遊，最近生日仲拍攝咗一輯生日靚相！
日前有化妝師喺社交平台分享阿嬌喺當地拍攝時嘅原生態零濾鏡原圖，仲話：「在埃及當了一天阿嬌姐姐的小助理。我的童年女神，小時候什麽樣子，現在也還是什麽樣子」
圖中可見，阿嬌分別有簡約牛仔恤衫造型同大地色埃及女神造型，兩個造型分別突顯出阿嬌知性同優雅氣質。喺原生鏡頭下，阿嬌皮膚緊緻、輪廓條線明顯，五官仲好有混血女神感覺，令網民都為佢嘅零死角美貌再次感到震撼，仲話：「阿嬌這個骨相不僅美還抗老，我都老了她還年輕著」、「她完全是神顏」、「臉在江山在」。
