鄭伊健 婁峻碩 李李仁 等演員齊齊現身新劇記招。劇集以推理作主題，更有唔少動作場面，加上台灣近日發生替身演員拍動作戲意外墜地事故，一眾演員都難免被問對事件睇法。
伊健就話自己當年有參加過武打訓練班，有人會認為墊咗防護上陣唔好睇，但唔墊會受傷。當有經驗後就知喺戲服入面塞緩衝物，可以保護自己。以前吊威都好危險，但拍出嚟後就好好睇，不過而家就好少有機會。而且演員安全係好睇導演做法，有啲導演會關心演員，有啲就唔太關心。
伊健主演嘅江湖電影《古惑仔》系到風靡兩岸三地多年，一眾演員都覺得呢次同伊健拍劇係同偶像合作， 李李仁 仲話自己要幫囝囝李小龍追星，應承阿仔會幫手攞伊健簽名。李李仁同伊健有唔少對手戲，佢就話自己雖然會記對手台詞，不過呢次就要記曬伊健嘅所有台詞同反應，先可以估到「港普」味重嘅伊健演到邊。佢仲話自己識幫伊健角色配音嘅配音演員，對方話伊健呢個角色真係「不好演」。
