陳煒 朱敏瀚 現身電台為劇集《非常檢控觀》接受訪問，日前朱仔喺馬來西亞出席活動時仍然生生猛猛、跳跳紮，但呢日就要篤住拐杖開工。朱仔解釋年初時踢波不慎受傷斷韌帶，所以由大馬返港後即刻開刀做手術。
煒哥大讚朱仔忍痛能力強、夠敬業，喺大馬時仲可以陪薛家燕跳十字步。朱仔亦笑言呢日嚟做家燕姐嘉賓時，呢個受傷Look都嚇親對方。 煒哥主演嘅熱播劇《非常檢控觀》集集精彩，佢同賴慰玲、馬德鐘喺第12集一幕對手戲更被激讚劇力萬鈞，眼神夠曬挑釁。
煒哥感謝大家捧場之餘，仲預告佢同馬神就會有一場隔空開庭嘅戲即將播出。雖然劇集拍完一段時間先播出，但煒哥一直好有信心呢個題材會備受喜愛，加上呢次喺題材同包裝都有討論話題同熱度，佢都叫大家要繼續捧場。